Net.Check - Безбедносна проверка на ИТ инфраструктура
 

Дали Вашите информациски системи се безбедни?
Кој се има пристап до витални ресурси и информации од ИТ инфраструктурата на Вашата фирма?
Дали треба да ја засилите сигурносната заштита на ИТ системите?
 

	Со Net.Check ќе добиете увид во постоечкото ниво на сигурност на секој поединечен ИТ систем во Вашата компанија и на целата ИТ инфраструктура.
	Ќе можете да ги утврдите отстапувањата од корпоративанта сигурносна политика и
	Да ја оцените критичноста на пропустите кај системите за безбедноста на информациите кои ги обработуваат.

Net.Check е услуга за тестирање на Вашата ИТ инфраструктура вклучително на мрежната топологија, мрежните елементи, оперативни системи, базите на податоци и апликативниот софтвер.

Бидејќи заканите и ризиците по сигурноста се менуваат во текот на секојдневното функционирање на организациите, целосна согласност со регулативите и стандардите за сигурност не гарантира и `сигурна` ИТ инфраструктура. Затоа е неопходно континуирано да се проверува и оценува сигурноста на ИТ системите на сите нивоа. Резултатите од проверките треба да се основа за дефинирање на насоки за развој на сигурносната политика и пракса на организацијата.

Тестовите на системскиот софтвер и на комуникациите на Net.Check се базираат на индустриски стандарди и тестни протоколи од водечките организации: NSA* (National Security Agency - Агенција за национална безбедност), CIS* (Center for Internet Security-Центар за Интернет безбедност) и NIST*(National Institute for Standards and Technologies - Национален институт за стандарди и технологии).
Проверката на безбедноста со Net.Check го вклучува и повисокото ниво на заштита – апликациите.

Резултатот на тестовите на информатичката безбедност со Net.Check е тежинска оценка со заклучоци и препораки кои треба да и помогнат на организацијата да ја подобри безбедноста во следните области:

	Мрежна архитектура и оперативна координација
	Следење на мрежата, детектирање и заштита од упади
	Управување со бази на податоци и апликации
	Практики за конфигурација и управување со критичните системи
	Политики за внатрешен и надворешен пристап
	Физичка безбедност на ИТ системите
	Проценка на ризикот и управувачки практики во ИТ одделот
	Управување со електронските комуникации
	Обука за безбедносни процедури и постапки

Net.Check го изведуваат нашите специјалисти за системи кои се обучувани и сертифицирани од водечки светски имиња: HP, Microsoft, Nokia-Siemens networks, Cisco, Oracle, BSI и CIS.